醃酸薑 ..... Final sales

早在個多月前, 

朋友說九龍城街市賣子薑好貴,

差不多要八十蚊一斤 ! 

現在季尾, 

賣平到 廿六蚊一斤。


 

第二次都係用高Ling 小姐的方法醃酸薑, 好靚。

材料 :

鮮子薑      3斤
白米醋      800g
冰糖          800g
鹽              4 茶匙


方法 :

子薑去皮, 厚切 (太薄會令子薑不爽)


 

用鹽醃一小時後,用凍滾水沖去鹽份, 晾乾水。

白米醋加冰糖煮至糖融, 放涼。

將晾乾的子薑放入乾淨的玻璃瓶裏,

再倒入米醋, 浸過子薑面, 入雪櫃雪 3天, 

便可食用。

好彩趁子薑 Final Sales, 做定兩瓶慢慢食。