2015年8月18日 星期二

雞蛋仔

很久沒有寫 ,

不代表我沒有興趣烘焙, 

更不代表我已經忘記了你。


今天, 第一次自製 '雞蛋仔"




在數字屋買了新玩具 , 

特價之後, 比買一個 frozen - Elsa 還要平宜1/3價錢, 

立即上網找個食譜試機。




材料 (可做 3-4 底) : 

低筋麵粉 140g, 木薯粉 30g, 發粉 7g, 
雞蛋 2 隻 (約 115g) , 砂糖 140g,
淡奶 30g, 凍滾水 140g
菜油 30g,  雲尼拿香油 1/2 茶匙  

做法: 

1) 將粉類過篩兩次
2) 雞蛋和糖用電動打蛋器打至糖溶
3) 加入淡奶和水繼續打勻
4) 再逐少加入粉類, 用慢速打至均勻, 無粉粒為止
5) 最後加入菜油和香油打至均勻
6) 麵糊入雪櫃雪一小時, 再室溫攤暖便可以準備焗 
6) 預熱雞蛋仔模, 掃油, 注入麵糊至滿
7) 蓋好模夾, 緊執模夾搖勻, 上下反轉, 每面約焗 1.5-2 分鐘
8) 打開模夾, 留在模內攤一會, 便可以用耐熱膠刮取出。

整個過程最難的時候到, 要等雞蛋仔攤涼, 

攤涼吃, 才會香脆。








        

26 則留言:

  1. 回覆
    1. 軒軒, 我都好掛住你和太王。恭喜你呀 ! 咁快就出左三本書, 好犀利呀 ! 上次去書展好開心發現你新出的書 , 不過, 我好少吃炸物, 所以沒有買, 如果喜歡飲啤酒人士, 真係唔好錯過呢本書。^^

      刪除
    2. 之前你都有買過,已好多謝你支持,其實你都是高手,祗是為了支持我才去買,無言的感激!

      刪除
    3. 早晨軒軒, 多謝你誇獎。我真心喜歡你的書才買。^^

      刪除
    4. 芹菜, 軒軒, 你們好 ! 真的很久沒遊博了, 更久的沒寫了 ! 寫博比較化時間, 現在視為奢侈之事 ^^

      刪除
    5. 太王, 您好 ! 寫卜是奢侈之事, 回應更是奢侈品, 多謝你送我這美好的奢侈品 ! ^^

      刪除
  2. 芹菜你好呀!好掛住你呀,多D寫卜啦!
    我尋日都心大心細想買喱個模呀!是電模嗎?

    回覆刪除
    回覆
    1. 翠兒, 多謝你到訪, 我都好掛住你呀 ! 近年身體都算OK, 不過就忙了一點, 好些以前寫開卜的, 好多都轉左去Facebook, FB群組會員過萬, 登一篇出黎, 閒閒地有一百幾十人讚, 好不熱鬧。不過, 我還是喜歡靜靜的躲在這裡寫寫看看。翠兒呢? 有沒有寫FB? ^^

      刪除
    2. 因為我廚房已經電器化, 所以這部雞仔蛋機都是插電, 上星期五759公價有八折,折左 $191, 團購價都要$280, 所以我覺得算平, 新鮮焗出來真的好吃, 不過都是一句...不可以吃多, 始終甜點易肥啊 ! 你不是已經有雞蛋仔機嗎? 還買? ^^

      刪除
    3. 我沒有寫FB,間中寫篇卜希望和網友保持聯絡。
      我有一個燒明火的雞蛋模,所以沒有買,但覺得喱個模好抵玩囉!

      刪除
    4. 早晨翠兒, 我寫卜是想記錄自己的製成品和跟你們聯絡。你有明火就唔駛買喇 ! 我覺得明火的可能較易清洗? 因為電模無不落水洗的。

      刪除
  3. 真係好耐好耐無見喇,芹菜!!

    呢樣妳都有興趣玩呀?我最怕自己買咗部機之後玩兩玩又唔願整哦!

    回覆刪除
    回覆
    1. Kestrel, 您好 ! 教琴都要勞心勞力架, 你食得咁清淡, 體力應付到嗎? 我都鐘意食雞蛋仔架, 不過市面好多添加色素, 無落雞蛋, 吃上去不是味兒。今次用飲一餐茶(二百蚊唔駛)的價錢就可以滿足我多年來想整的雞蛋仔的願望, 值得嘅! ^^ 你的留言字體轉了黃色, 真的很難看清楚, 會轉回黑色字體嗎?

      刪除
    2. 我依家長期量地同拍烏蠅,唔使怕唔夠體力哦,哈哈!!^^"

      吓,唔係啩,無雞蛋成份就用色素搭夠!?真係唔講都唔知喎,因為我由細到大都無乜食街外嘢呢!咁妳會成日整嗎?

      嗯,我睇出嚟係深橙色,仲好清楚喎!唔通好似早前網上瘋傳嗰條裙咁,唔同人睇出嚟有唔同顏色!?!?

      刪除
    3. 我因為無買吉士粉, 所以較淡色。街外有些店賣的是加色素, 無蛋成本就平好多了。
      聽講依家好多大陸人移居香港, 好肯花錢給孩子學琴, 暑假一星期就學3天, 係咁菊佢地喎 !

      刪除
    4. 唉,啲家長都真係好癲,依家仲多咗樣陪練服務,叫專人上門陪公主、王子練琴,睇過報紙話有家長每月花過萬搵人陪練呀,妳話係咪黐線呀,仲貴過學琴!!

      刪除
    5. 吓 ! 學琴已經是富貴的課外活動喇 ! 練琴都要人陪 ! 學左就要自己練喇 ! 咁被動不如唔好學喇 ! 依家D人都唔識珍惜, 再加埋D怪獸家長, 唉 ! 過多一兩代都唔知點算 !

      刪除
    6. 查實依家教琴真係好難、好辛苦,因為多人學,所以學校講明學樂器會加分,但係就唔包括鋼琴,功利家長聽到當然唔會再俾仔女學啦,而且鋼琴老師又多、競爭又大,所以我哋呢行好難收到學生。到有學生時,大部份都係被迫學琴,根本上課時唔係學琴,而係陪佢哋練琴,所以依家老師角色都已經轉變咗!學生乖都已經好喇,遇著啲唔乖兼唔識尊重人嘅細路就仲死,成堂課真係捱住上㗎,有時仲要受家長氣及白眼呢,但又唔可以出聲,雖則我哋叫做自僱人士,但其實家長係出糧老闆,點敢得罪呀!!!有啲富貴家長見自己仔女唔對路,咪額外再請個陪練導師囉,妳話係咪真係死得啦!!

      刪除
    7. Kestrel, 多謝你分享了現在香港學琴的畸形現象。完全明白你的苦況。大部份孩子都要父母迫出來學琴的, 目的是係一個, 多張証明考中學。這種情況都是三輸: 為了學琴,家長和孩子關係不和, 老師要教一個沒有興趣學琴的學生又是辛苦。好明白你的苦況。唯有找些興趣舒緩一下壓力, 整下蛋糕比我們欣賞下吖 ! ^^

      刪除
    8. 係呀,芹菜妳講得好啱,真係三輸局面呢!!妳知嘛,依家其實都已經進化到幼稚園或小一都已經考咗五級樂理,好多仲係考英文卷,小學畢業前或中一都已經考哂 diploma 喇,妳話班細路邊有童年㗎!!!!

      其實我都有自己興趣想發展,但依家窮到燶,學鬼咩!!

      刪除
    9. 吓! 快得咁緊要 ! 以前中三完成八級已經很本事。五級樂理都要有數學基礎, 照計小一無理由考到五級樂理 ! 班細路重要雙樂器, 加入埋中西管弦樂團, 歌唱班......這才夠出類抜萃 !唉 ! 太可怕了 !

      刪除
    10. 我有個小師弟,K3 已經考埋樂理,不單係英文卷,仲要拎埋 distinction,死未!!

      其實我依家都有家長想谷個女考八級,但一來剛剛先派六級考試成績,二來學生本身都知自己好夾硬上去,所以我堅持 say no!!所以妳話學生同家長係咪都好有壓力呢!!

      刪除
    11. 在香港, 老, 中, 青, 甚至幼都活在壓力下 。=="

      刪除
  4. 嘩 ^Q^ 有雞蛋仔食我就會出現 @_@
    你地好嗎 ? ?
    唔好意思少咗嚟探你地, 有時在門外望下你地止下口渴就算數, 也沒有打擾請原諒 _/0-0\_
    近日忙在處理家慈患病, 幸好已穩定下來暫時可鬆一口氣 ^0^

    回覆刪除
    回覆
    1. 十蚊底 ! 十蚊底 ! 大特價.....
      唔好講唔好意思喇 ! 我都好少寫卜, Yahoo 改黎改去, 攪到寫卜的都走左好多。
      令尊無事就好了, 你都要抽多些時間休息啊 !

      刪除