2014年4月14日 星期一

檸檬椰子油海綿蛋糕


近年香港人最喜歡用 WhatsApp來溝通 , 

所以 WhatsApp 的影響力可不少 !

就以檸檬為例, 

以前 $5 可以買到二個甚至三個, 

現在最貴可以賣到 $8 一個 ,

我懷疑因為之前有蜂擁互傳的WhatsApp

指檸檬沖水可以防癌, 能醫百病等功效, 

令至檸檬價格急升 ! 



今天 ,

竟然給我執到平貨 .....

就將檸檬榨汁, 

珍而重之的放在雪櫃慢慢用 

最少可以存放兩星期。





檸檬椰子油海綿蛋糕   





 




材料  ( 8" 模) :  

雞蛋 4隻  

牛奶 100c.c.

砂糖  50g

低筋粉 100g (篩2 次)

鹽     1 小茶匙

椰子油  50g

檸檬汁     37g

檸檬皮碎   1個份量


 



 
 


方法 :


1)預熱焗爐 200 度, 蛋糕模底和邊
   都加上烘焙紙,

2) 牛奶加入椰子油中坐融攪勻,

 


3) 蛋白, 蛋黃分開,

4)  蛋黃打散後加入牛奶椰子油混合物,

5) 將篩過的麵粉分2次輕輕混入蛋漿中,

6) 蛋白打散後, 將砂糖和檸檬汁分3次  
    用電動打蛋器打企身, 然後混入檸檬皮碎。

 

 


7) 將打好的1/3蛋白霜輕輕混入蛋糊至
    同一顏色為止。

8)再將餘下的蛋白霜輕輕混入蛋黃漿中,
   直至混為同一顏色為止。


 9) 將蛋糕漿倒入蛋糕模中, 
     然後 [登] 兩, 三下。


 


10  蛋糕模外加一個盛有冰水的盤,
      然後入焗爐,
      先焗 200度 / 15分鐘,
      再用 140度 / 40分鐘。


 


**以前常常聽人說打蛋白霜的器皿一定要乾淨,
   不能有油和水, 否則打不成蛋白霜。

   今次戰戰兢兢地把檸檬汁和砂糖加入蛋白內打,
   原來加了檸檬汁都可以打成蛋白霜, 
   打起之後把它放在頭頂也可以啊 !

焗完之後, 糕面的邊位有一度小裂縫, 
冷卻之後, 裂縫藏了起來。下次再強化一下
食譜, 希望有改善空間。




有檸檬味 !  又有椰子味 !  


 















    








13 則留言:

  1. 回覆
    1. 多謝 Moonmoon , 係好香檸檬味!

      刪除
  2. 好喜歡檸皮,橙皮的香味,這個蛋糕一定好好食!

    回覆刪除
  3. 美國大失收.所以好貴,我買唔到落手咁貴,去到又一城Taste十三個幾有三個都幾靚.五元六元好貴呢,呢個蛋糕整得好靚呀.

    回覆刪除
    回覆
    1. 原本美國檸檬大失收! 希望可以好快平番! 係呢, 點解你最近無寫呀 ? 有無邊到吃的地方好介紹? ^^

      刪除
  4. 係喎,榨哂汁放冰格真係幾好,唔使要用起上嚟時先買,有時用少少調味又要買成個!

    我反而覺得買個皮靚嘅檸檬都唔易,因為我多數都會用埋檸檬皮,唔知檸檬皮同樣放冰格,解凍後仲有無清新氣味呢?

    回覆刪除
    回覆
    1. 有呀 ! 唔駛次次開一個檸檬, 有時又用唔晒。不過我試過留檸檬皮, D皮嘅顏色變左色。

      刪除
    2. 咁即係皮唔留得啦! : (

      刪除
  5. 檸檬真的貴了許多,有次忍唔住問老闆,原來檸檬貴了是因為大失收呢...><

    回覆刪除
    回覆
    1. 原來係大失收 ! 檸檬真係好有用。

      刪除
  6. 好鍾意檸檬味, 在街外叫檸檬水老媽會話係平嘢, 現在身價升了不同了 ^^

    回覆刪除
    回覆
    1. 係呀 ! 以前去茶餐廳飲熱O水覺得好唔底 ! ^^

      刪除