2014年9月5日 星期五

脆皮奶皇月餅


以前,

每逢中秋將至, 

玩具鋪, 雜貨店, 元寶臘燭店掛滿

兔仔燈籠,  楊桃燈籠......

街市縱然擠得水洩不通 ,

人們的臉上都是滿面笑容.....


今天,

中秋將至, 

四周的鋪頭都是堆放了

一罐罐的奶粉,大包小包的尿片......

公園裏縱然掛起了很多漂亮的彩燈,

地上卻擺放很多預防動亂的水馬, 圍欄......


社會的紛爭, 街上的忙亂,

真叫人有點喘不過氣來。


中秋佳節, 

還是在廚房做月餅來製造中秋氣氛吧 !  


脆皮奶皇月餅  (50g x 8 個)
========== 










月餅皮材料 :

有鹽牛油 50g (放室溫 1小時)

糖霜 30g   (過篩一次 )

全蛋蛋液   12g

低筋麵粉   76g

奶粉          12g

吉士粉        8g

方法 :

先用電動打蛋器低速把牛油和糖霜打勻至呈乳白色
(約2 分鐘)

加入已篩低筋麵粉, 奶粉, 吉士粉, 再用低速稍稍
拌勻, 約半分鐘 (切勿打發過龍, 否則會導至月餅皮爆裂),
最後用手或膠刮壓成面團。
(這時應該非常柔軟)
分成8份, 放入雪櫃鬆身約 3小時。備用。

鹹蛋王 2隻處理方法 :

將鹹蛋王用白蘭地酒或冧酒 1/4 茶匙 搽勻。


月餅奶皇餡


a)吉士粉 25g
   奶粉  28g

b)蛋半隻 25g
   蛋黃   15g
   砂糖    20g
   鮮奶    15g

c)淡忌廉  38g
   砂糖      20g
   椰漿      40g
   鮮奶      20g  
   無鹽牛油(雪凍切粒)   23g

做法 :

將 (a) 混合過篩

把 (b) 拌勻, 再加入(a),

將(c) 混合好後, 用中火加入熱煮至沸,  
記住要邊煮邊攪拌, 每一下都要碰到煲底。
煮沸後過篩, 加入 (a)(b) 混合。

再倒回鍋中, 隔熱水, 用大火煮至稠身。
 (可以直接加熱, 不過好容易煮燶, 要慢火加熱,
期間不停快速攪拌。)

加入壓碎的鹹蛋黃。

表面鋪上一塊保鮮紙貼著奶皇表面冷卻後,

放在雪櫃冷藏一晚。

將奶皇取出, 分成 8份, 搓成圓形。

掃面蛋液


全蛋   5g

 蛋黃  2隻


掃面糖水

 砂糖   20g

熱水     20g


組合月餅 :

將月餅皮包上奶皇

用 50g 月餅模內沾上高筋粉, 將粉團放入按壓成形。

 


在表面輕輕掃上2層蛋液, 分別相隔5分鐘。

焗爐先預熱240度, 焗盤鋪上爐紙, 放上月餅。

焗約10-15分鐘至金黃色, 出爐, 立即掃上糖水。



  



 


 


17 則留言:

  1. 整呢個真係超煩,同老友們整過一次之後,個個都唔再整!

    回覆刪除
    回覆
    1. 真係幾覆雜, 分左兩日整, 重要係約埋朋友來一齊整才好。^^

      刪除
    2. 係囉,難就唔算難,真係好鬼多步驟!上次都係 3 個 friends 一齊整,仲要麻煩主人家前一晚煮好個餡放雪櫃雪過夜呀!

      中秋節快樂呀!

      刪除
  2. ^Q,,,, 成地口水 ! 唔好意思啦, 我要拖地先 **

    奶皇就食過, 脆皮真你想試.....食 ~Q~

    回覆刪除
    回覆
    1. 幾好食架, 不過可能你會覺得肥膩。^^

      刪除
  3. D紋好清晰呀!中秋節快樂!

    回覆刪除
  4. 中秋節快樂 :)
    奶黃月餅好靚 :)

    回覆刪除
  5. 中秋節快樂!
    在家最好,在家最有氣氛!^.^

    回覆刪除
    回覆
    1. 喜歡在廚房的人, 都喜歡在家。
      祝Allie 中秋節快樂 !

      刪除
  6. 中秋節快樂!月餅焗得好靚.

    回覆刪除
  7. 月餅整得好靚呀!中秋節快樂!

    回覆刪除
  8. 好靚奶黃月。 遲來的祝福,追月夜祝你和家人個個月咁開心。

    回覆刪除